Украина Олий Радаси мамлакат ҳукумати ҳамда НАТО ўртасида кўмак ва таъминот соҳасида ҳамкорлик қилиш тўғрисидаги битимни ратификация қилиш ҳақидаги қонунни қабул қилди. Бу ҳақда Eurointegration.com.ua хабар бермоқда.
Мазкур ҳужжат Украина ҳукумати ва НАТО ўртасидаги ҳамкорликка кўмак бериб, Украинани аниқ йўналишлар бўйича, хусусан, товар ва хизматларни етказиб бериш, хизмат кўрсатиш, сотиб олиш бўйича ва бошқа масалаларда қўллаб-қувватлашнинг асосий тамойилларини белгилаб беради.
Бундан ташқари, Олий Рада Украина ҳукумати ҳамда НАТОнинг Алоқа ва ахборот ташкилоти ўртасидаги битимни ҳам ратификация қилди. Ушбу ҳужжат НАТОнинг «Тинчлик йўлида ҳамкорлик» дастури доирасида маслаҳат, бошқарув, алоқа, разведка ва кузатув соҳаларидаги ҳамкорликни тартибга солади.
Изоҳ (0)