Ukraina Oliy Radasi mamlakat hukumati hamda NATO o‘rtasida ko‘mak va ta’minot sohasida hamkorlik qilish to‘g‘risidagi bitimni ratifikatsiya qilish haqidagi qonunni qabul qildi. Bu haqda Eurointegration.com.ua xabar bermoqda.
Mazkur hujjat Ukraina hukumati va NATO o‘rtasidagi hamkorlikka ko‘mak berib, Ukrainani aniq yo‘nalishlar bo‘yicha, xususan, tovar va xizmatlarni yetkazib berish, xizmat ko‘rsatish, sotib olish bo‘yicha va boshqa masalalarda qo‘llab-quvvatlashning asosiy tamoyillarini belgilab beradi.
Bundan tashqari, Oliy Rada Ukraina hukumati hamda NATOning Aloqa va axborot tashkiloti o‘rtasidagi bitimni ham ratifikatsiya qildi. Ushbu hujjat NATOning “Tinchlik yo‘lida hamkorlik” dasturi doirasida maslahat, boshqaruv, aloqa, razvedka va kuzatuv sohalaridagi hamkorlikni tartibga soladi.
Izoh (0)