Американинг Kalashnikov USA компанияси АҚШда ишлаб чиқарилган Калашников автоматлари (АК-47 модели) сотила бошлаганини эълон қилди, деб ёзади «РИА Новости».
Қуролни ишлаб чиқаришда энг янги технологиялар қўлланилди ва унинг баъзи жиҳатлари мукаммаллаштирилди.
Kalashnikov USA вице-президенти Билл Силвер 30 июнь, сешанба куниёқ Америкада ишлаб чиқарилган АК-47 АҚШдаги баъзи қурол-яроғ дўконларида пайдо бўлганини айтди.
Kalashnikov USA (аввалги номи Russian Weapon Company) «Калашников» маҳсулотларининг расмий импортчиси ва дистрибьютери ҳисобланади. Бироқ 2014 йилда Вашингтон Россияга қарши киритган санкциялар туфайли унинг фаолияти хавф остида қолди. Январь ойида америкалик қуролсозлар афсонавий автоматларни ўзлари ишлаб чиқаришни бошлашини эълон қилди.
Изоҳ (0)