Тайвандаги аквапаркда юзага келган ёнғин сабаблари маълум қилинди

Терговчилар Тайваннинг Синьбэй шаҳрида юзага келган ёнғиннинг эҳтимолий сабабларини маълум қилди, деб хабар беради The South China Morning Post.

Катта эҳтимол билан тасодифий учқун ёки тамаки кули ёнғинни келтириб чиқарган. Полиция тадбир ташкилотчиси Лу Чжунцзи ва икки техникка нисбатан жиноий қўзғатишни таклиф қилди. Техниклардан бири ускуналарга, иккинчиси эса рангли кукунларни тарқатишга жавоб берар эди.

Лу қўлга олинди, бироқ маълум бир вақт ўтганидан сўнг бир миллион Тайвань доллари (тахминан 32 минг доллар) гаров пули эвазига қўйиб юборилди. Маҳаллий телевидение Лу Чжунцзи тиззалаб туриб олиб, жабрланувчилардан кечирим сўраётгани ва барча масъулиятни ўз бўйнига олишини айтаётганини намойиш этди. Икки техник ҳам ҳар бирига 300 минг Тайвань доллари (тахминан 10 минг АҚШ доллари) гаров пули тўланганидан кейин қўйиб юборилди.

Айни вақтда 519 киши жабрлангани, улардан 200 нафари реанимацияда ётгани маълум. Жабрланганлардан аксариятининг танасининг 50 фоизида куйиш ҳолати кузатилган.

Аввалроқ Тайванда жойлашган аквапаркдаги ёнғин 27 июнь куни маҳаллий вақт билан 20:30 да, Color Play Asia номли «ранглар байрами»нинг асосий саҳнаси вақтида бошлангани хабар берилганди. Ушбу байрам вақтида қатнашчилар бир-бирларига турли рангдаги кукунларни сепади.