Россиянинг собиқ бош вазири, собиқ ташқи ишлар вазири Евгений Примаков 26 июнь куни Москвада 86 ёшида вафот этди, деб хабар бермоқда «Интерфакс».
Қайд этилишича, у узоқ давом этган касалликдан кейин вафот этган. Владимир Путиннинг матбуот котиби Дмитрий Песков Россия президенти Примаковнинг оила аъзоларига ҳамдардлик билдирганини айтиб, у билан бир ой муқаддам учрашганини маълум қилган.
Примаков 1929 йил 29 октябрь куни Киевда туғилган. 1989—1990 йилларда ССРИ Олий Совети Иттифоқ Кенгаши раиси, 1991 йилда ССРИ Марказий разведка хизмати раҳбари, 1991—1996 йилларда Россия Ташқи разведка хизмати директори, 1996—1998 йилларда Россия ташқи ишлар вазири, 1998—1999 йилларда Россия бош вазири, 2001—2011 йилларда Россия савдо-саноат палатаси президенти лавозимларида ишлаган.
Изоҳ (0)