Япония полицияси 16 июнь куни мамлакат жанубида фаолият юритувчи йирик «Кудокай» гангстерлик синдикатининг уч нафар раҳбарини ҳибсга олгани ҳақида эълон қилди, деб ёзади ТАСС. Улар оддий якудзалардан миллионлаб долларлик «ҳадялар» йиғиб олиш бўйича йирик кўламли тизимга алоқадорликда гумон қилинмоқда.
Ушбу иш бўйича бош фигурант Япония жиноят дунёсининг таниқли бошлиқларидан бири — «Кудокай» етакчиси, 68 ёшли Сатору Номурадир. У аввалроқ ҳибсга олинган бўлиб, ҳозирда қотиллик ва суиқасд қилишга уриниш айбловлари билан суд бўлишини кутмоқда.
Тергов маълумотларига кўра, Номура ўз гуруҳининг оддий аъзоларидан «тортиқ» сифатида 227 миллион йенa (1,8 миллион доллар)га яқин пул олган. Маблағ ўз оиласи аъзоларининг шахсий банк ҳисобларига тақсимланган, улардан 88 миллион йенa (715,5 минг доллар) миқдоридаги даромад солиғи ушланмаган.
Фукуока префектураси полицияси вакили айтишича, оддий босқинчиларнинг мафия бошлиқларига тўлов тўлаш мажбуриятлари жиноий гуруҳлар аъзоларини янги жиноятларга ундаган.
Изоҳ (0)