«Фили» зонди Ер билан алоқага чиқди

«Фили» модули Ер билан алоқага чиқди, дея хабар бермоқда «Газета.ru» Европа космик агентлигига таяниб.

BBC илмий мухбири Жонатан Амос сўзларига кўра, «Фили» Чурюмов-Герасименко кометасида йўқолиб қолгач, у Қуёшга яқинлашган ва зонд яна ишлаб кетишга муваффақ бўлган.

Эслатиб ўтамиз, Европанинг «Розетта» номли зонди (атмосферанинг юқори қатламларини текшириш учун мўлжалланган аппарат)нинг тушириладиган модули — «Фили» 2014 йил 12 ноябрда Чурюмов-Герасименко кометасига қўнган эди. Олимлар фикрича, «Фили» шундан кейин кометадан икки марта сапчиб кетган ҳамда кўринмайдиган пана бурчакда чироқсиз ва батарея қувватисиз тўхтаб қолган.

«Фили» модули расмий Twitter’ида ерликларга салом берди ва улар уни эшитаётган-эшитмаётгани билан қизиқди.

Hello Earth! Can you hear me? #WakeUpPhilae

— Philae Lander (@Philae2014) June 14, 2015