Бугун,

  • USD 11095.31
  • RUB 173.84
  • EUR 10772.44

Ўзбекистон терма жамоасининг Шимолий Кореяга борадиган якуний таркиби маълум бўлди, деб хабар қилади Ўзбекистон футбол федерацияси матбуот хизмати.

Фото: the-uff.com

Фото: the-uff.com

Жароҳатлари туфайли Шимолий Кореяга қарши ўйинда терма жамоага Сервер Жепаров ҳамда Зоҳир Қўзибоев ёрдам бера олмайди. Сервер Жепаров миллий терма жамоа йиғинига қадар жароҳат олгани ва ушбу ўйинда жамоага ёрдам беролмасли маълум бўлиб улгурган бўлса, Қўзибоев Эронга қарши ўртоқлик учрашувида жароҳатланди.

Жароҳатларга қарамай миллий терма жамоа Пхеньянга тўлиқ таркиб билан учиб кетади. Сафдан чиққан Зоҳир Қўзибоев ўрнига терма жамоа сафига «Локомотив» футболчиси Санжар Шоаҳмедов чақирилди. Ушбу мавсумда «темирйўлчилар» ярим ҳимоячиси жуда яхши ўйин намойиш этмоқда ва бу терма жамоа мураббийлар штаби назаридан четда қолмади.

Ҳозирга қадар 24 ёшли Шоаҳмедов миллий терма жамоага фақат бир марта жалб этилган. Ўтган йили Санжар Уммонга қарши ўртоқлик ўйинида ўзининг терма жамоадаги дебютини ўтказганди.

Қуйида Ўзбекистон миллий терма жамоасининг Шимолий Кореяга борадиган якуний таркибини келтириб ўтамиз.

Дарвозабонлар: Элдор Суюнов («Насаф»), Акбар Тўраев («Бунёдкор»), Игнатий Нестеров («Локомотив»).

Ҳимоячилар: Анзур Исмоилов («Чанчун Ятай», Хитой), Шавкат Муллажонов («Локомотив»), Шуҳрат Муҳаммадиев («Насаф»), Егор Кримец («Пахтакор»), Ислом Тўхтахўжаев («Локомотив»), Виталий Денисов («Локомотив», Россия), Акмал Шораҳмедов («Бунёдкор»), Фаррух Сайфиев («Насаф»).

Ярим ҳимоячилар: Азиз Ҳайдаров («Аш-Шабоб», БАА), Одил Аҳмедов («Краснодар», Россия), Санжар Шоаҳмедов («Локомотив»), Лутфулла Тўраев («Локомотив»), Санжар Турсунов («Ворскла», Украина), Сардор Рашидов («Бунёдкор»), Шоҳрух Гадоев («Насаф»), Икром Алибоев («Локомотив»), Жасур Ҳасанов («Локомотив»), Фозил Мусаев («Сепахон», Эрон).

Ҳужумчилар: Баҳодир Насимов («Падидеҳ», Эрон), Игорь Сергеев («Пахтакор»).

Изоҳ
Асосий янгиликлар
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди