Польшанинг Вроцлав шаҳрида ўсмирлар ўртасида ўтказилаётган жаҳон чемпионатида ўзбекистонлик Адҳам Эргашев кумуш медаль совриндори бўлди, деб хабар беради Ўзбекистон Миллий олимпия қўмитаси матбуот хизмати.
2014 йили Нанкин шаҳри (Хитой)да бўлиб ўтган ўсмирлар Олимпиадасида бронза медали совриндори бўлган Адҳам Эргашев даст кўтаришда 124 кг, силтаб кўтаришда эса 151 кг тошни ўзига бўйсундириб, иккинчи поғонадан жой олди.
Мазкур мусобақада кореялик спортчи биринчи, Туркия терма жамоаси аъзоси эса учинчи ўринни эгаллади.
Эслатиб ўтамиз, 2 йил аввал ушбу аренада ўзбекистонлик Руслан Нуридинов ва Улуғбек Алимов катталар ўртасидаги жаҳон чемпионатида олтин ва бронза медалларига (икки кураш натижасига кўра) эга бўлганди.
Изоҳ (0)