Чеченистон раҳбари Рамзан Қодиров отаси — Чеченистон Республикасининг биринчи президенти, Россия қаҳрамони Аҳмадҳожи Қодировнинг устози ўзбекистонлик Абдулқаҳҳор Ғаффоровни Чеченистонга таклиф қилди. Бу ҳақда Қодиров ўз Facebook’ида маълум қилди.
Унинг ёзишича, отаси 1981 йилда Бухородаги Мир Араб мадрасасига ўқишга кирганида Ғаффоров у ерда директор бўлиб ишлаган. Шунингдек, Аҳмадҳожи Қодиров 1983 йилда Ал Бухорий номидаги Тошкент ислом институтига кирган йили Ғаффоров ҳам у ерга ректорликка тайинланган.
«Шу тариқа отамнинг бутун ўқиш йиллари давомида Ғаффоров унга устозлик қилган. Бир пиёла чой устида ўша даврларни хотирладик», — деб ёзди Қодиров.
Изоҳ (0)