Қорақалпоғистон кўз касалликлари шифохонасига хориждан 500 млн сўмлик операция микроскопи келтирилди

Қорақалпоғистон Республикаси кўз касалликлари шифохонасида беморларни даволаш имконияти янада кенгайди, деб хабар беради «Халқ сўзи».

Гап шундаки, муассасага хориждан қиймати 500 миллион сўмлик замонавий операция микроскопи келтирилгач, ана шундай қулайлик яратилди.

— Ушбу ускуна ишимизни анча енгиллаштирди, — дейди муассаса раҳбари Галимжон Кулимбаев. — Хусусан, жарроҳлик амалиётини бир вақтнинг ўзида икки мутахассис кузатиб бориши мумкин. Бундан ташқари, барча жараён видеотасмага ёзиб олинади. Бу эса амалиётни кейинчалик ҳам таҳлил қилиш имконини беради.

Эътиборлиси, ҳадемай шифохонага 210 миллион сўмлик лазерли ускуна ҳам келтирилади. У кўз томирларини даволашда қўлланилади.