Ўзбекистон транспорт сектори ривожланишининг зарур суръатларини ушлаб туриш учун соҳага киритиладиган инвестициялар 2030 йилгача 47 миллиард долларни ташкил этиши керак. Бу ҳақда 3 июнь, чоршанба куни Тошкентда очилган «Ўзбекистон — Латвия — ЕИ транспорт йўлаги» халқаро конференциясида айтиб ўтилди, деб ёзади «Газета.uz».
«Ялпи ички маҳсулот йилига ўртача 8 фоизга ошиб боришини ҳисобга олсак, юк ташилмалари ҳажмининг ўсиши суръатини ушлаб туриш учун 46,7 миллиард доллар миқдоридаги инвестициялар талаб этилади», — деди Иқтисодий тадқиқотлар маркази лойиҳа координатори Бахтиёр Эргашев.
Марказ экспертлари ҳисоб-китобларига кўра, Ўзбекистон иқтисодиёти 8 фоизга ўсиб боришини қўллаб-қувватлаш учун юк ташилмалари ҳажми яқин келажакда йилига ўртача 9,2 фоизга кўпайиши лозим.
Транспорт секторига киритиладиган инвестициялар улуши мамлакат ЯИМга нисбатан 2013 йилдаги 3,35 фоиздан 2030 йилда 4,6 фоизгача ошиши керак. Бунда инвестициялар ҳажми йилига 2015 йилдаги 2,1 миллиард доллардан 2030 йилда 5,1 миллиард долларгача етиши керак.
Изоҳ (0)