O‘zbekiston transport sektori rivojlanishining zarur sur’atlarini ushlab turish uchun sohaga kiritiladigan investitsiyalar 2030-yilgacha 47 milliard dollarni tashkil etishi kerak. Bu haqda 3-iyun, chorshanba kuni Toshkentda ochilgan “O‘zbekiston — Latviya — YeI transport yo‘lagi” xalqaro konferensiyasida aytib o‘tildi, deb yozadi “Gazeta.uz”.
“Yalpi ichki mahsulot yiliga o‘rtacha 8 foizga oshib borishini hisobga olsak, yuk tashilmalari hajmining o‘sishi sur’atini ushlab turish uchun 46,7 milliard dollar miqdoridagi investitsiyalar talab etiladi”, — dedi Iqtisodiy tadqiqotlar markazi loyiha koordinatori Baxtiyor Ergashev.
Markaz ekspertlari hisob-kitoblariga ko‘ra, O‘zbekiston iqtisodiyoti 8 foizga o‘sib borishini qo‘llab-quvvatlash uchun yuk tashilmalari hajmi yaqin kelajakda yiliga o‘rtacha 9,2 foizga ko‘payishi lozim.
Transport sektoriga kiritiladigan investitsiyalar ulushi mamlakat YaIMga nisbatan 2013-yildagi 3,35 foizdan 2030-yilda 4,6 foizgacha oshishi kerak. Bunda investitsiyalar hajmi yiliga 2015-yildagi 2,1 milliard dollardan 2030-yilda 5,1 milliard dollargacha yetishi kerak.
Izoh (0)