Тахминан 1967 йилда йиғилган «Тошкент» номли қўлбола автомобиль «Olx.uz» сайти орқали сотувга қўйилди, деб хабар бермоқда «Uz24.uz».
Автомобиль 1000 см³ ҳажмли бензинли двигателга эга. Машина эгасининг сўзларига кўра, у қарийб 10 йилдан буён гаражда тургани боис ҳозирда ҳаракатланишга яроқли эмас, уни таъмирлаш талаб этилади.
Шунингдек, тегишли ҳужжатлар йўқлиги сабабли уни шаҳар кўчаларида ҳаракатлантириб бўлмайди. Автомобиль нархи унинг эгаси билан шахсий учрашув чоғида келишилиши айтилган. Модель коллекционерларга ноёб экспонат сифатида қизиқарли бўлиши мумкин.
Изоҳ (0)