Ўзбекистон Республикаси Давлат солиқ қўмитаси, Олий ва ўрта махсус таълим вазирлиги ҳамда «Камолот» ёшлар ижтимоий ҳаракати марказий кенгаши ҳамкорлигида «Солиқ билимдонлари – 2015» кўрик-танлови ўтказилди, деб хабар қилади Давлат солиқ қўмитаси Ахборот хизмати.
Кўрик-танловда Ўзбекистон Миллий университетининг «Ўзбекистон ёшлари», Тошкент давлат иқтисодиёт университетининг «Солиқ хизмати-фаровонлик зийнати», Тошкент давлат аграр университетининг «Агроислоҳотчи», Солиқ академиясининг «Интеллектуал ёшлар», Тошкент молия институтининг «Солиқ билимдонлари», Тошкент темир йўл транспорти муҳандислари институтининг «Афросиёб», Тошкент тўқимачилик ва енгил саноат институтининг «Дизайн», Тошкент ирригация ва мелиорация институтининг «Тадбиркор ирригатор» жамоалари ўзларининг солиқ ҳақидаги билимларини, турли саҳна кўринишлари ва бадиий чиқишлар, савол-жавоблар орқали намойиш этди.
Жамоаларнинг билимлари 5 та шарт бўйича ҳакамлар ҳайъати томонидан баҳоланди.
Тадбир якунига кўра, Тошкент давлат аграр университетининг «Агроислоҳотчи» жамоаси ғолиб бўлди. Солиқ академиясининг «Интеллектуал ёшлар» жамоаси иккинчи ва Тошкент молия институтининг «Солиқ билимдонлари» жамоаси фахрли учинчи ўринни эгаллади.
Ғолиб ва совриндор жамоалар, шунингдек, фаол иштирокчилар диплом ва қимматбаҳо совғалар билан тақдирланди.
Изоҳ (0)