БМТ бош котиби Пан Ги Мун Бурунди мухолифати етакчиси Зеди Ферузийнинг ўлдирилишини қоралаб чиқди. Бу ҳақда TASS хабар бермоқда.
«Мазкур жиноят, 22 май куни Бужумбура марказий бозорига уюштирилган ва икки кишининг ҳаётига зомин бўлган пасткаш ҳужум каби, ишончсизлик муҳитининг янада кучайиши ва зўравонликларга сабаб бўлиши мумкин», - дейилади баёнотда.
Пан Ги Мун мухолифат етакчиси ўлимига алоқадор шахслар жавобгарликка тортилишига умид билдирди.
Бурундидаги тартибсизликлар мамлакат президенти Пьер Нкурунзиза 26 июнь куни бўлиб ўтадиган президент сайловида учинчи муддат учун кураш олиб боришини маълум қилганидан сўнг бошланди.
Мамлакатнинг 2005 йилги конституциясига мувофиқ, президент кетма-кет фақат икки муддатга сайланиши мумкин, бироқ Нкурунзиза биринчи муддатга уни халқ эмас, парламент сайлаганини таъкидлаб, учинчи сайловда иштирок этиши мумкинлигини таъкидлаб келмоқда.
Изоҳ (0)