Жанубий ва Шимолий Корея бирлашувини қўллаб-қувватлаш мақсадида ташкил этилган халқаро аёллар марши икки мамлакатни ажратиб турувчи қуролсизлантирилган ҳудудни кесиб ўтди. Бу ҳақда RBC.ru хабар бермоқда.
15 мамлакатдан йиғилган 30 нафар аёл 1954 йили ўт очишни тўхтатиш ҳақидаги битим имзоланган Шимолий Кореянинг Панминчжон шаҳридан Кесон саноат зонасидаги назорат-ўтказиш пункти орқали автобусда Жанубий Кореяга ўтишди.
«Биз ҳамма имконсиз деб ишни амалга оширдик. Ушбу тадбир тинчлик, ярашув ва инсон ҳуқуқлари учун амалга оширилди», - деди Глория Стеймен. Унинг қайд этишича, ушбу марш ҳар иккала Корея ҳукуматлари томонидан маъқулланган.
Таркибида Тинчлик йўналишида Нобель мукофоти соҳибалари – Мейрид Магуайр ва Лейма Гбови ҳам бўлган марш фаоллари 19 май куни Пхеньянга етиб келишган эди.
Улар шимолий кореялик аёллар билан учрашиб, уруш оқибатларининг аёллар ва болалар ҳаётига таъсирини муҳокама қилишган эди. Худди шундай учрашув жанубий кореялик аёллар ҳам ўтказилади.
Изоҳ (0)