BMT bosh kotibi Pan Gi Mun Burundi muxolifati yetakchisi Zedi Feruziyning o‘ldirilishini qoralab chiqdi. Bu haqda TASS xabar bermoqda.
Pan Gi Mun muxolifat yetakchisi o‘limiga aloqador shaxslar javobgarlikka tortilishiga umid bildirdi.
Burundidagi tartibsizliklar mamlakat prezidenti Pyer Nkurunziza 26-iyun kuni bo‘lib o‘tadigan prezident saylovida uchinchi muddat uchun kurash olib borishini ma’lum qilganidan so‘ng boshlandi.
Mamlakatning 2005-yilgi konstitutsiyasiga muvofiq, prezident ketma-ket faqat ikki muddatga saylanishi mumkin, biroq Nkurunziza birinchi muddatga uni xalq emas, parlament saylaganini ta’kidlab, uchinchi saylovda ishtirok etishi mumkinligini ta’kidlab kelmoqda.
Izoh (0)