Астрофизиклар фазовий Оламда шу вақтга қадар кузатилган галактикалар орасида энг ёрқинини аниқлашди. NASA сайтида хабар берилишича, у Қуёшга нисбатан 300 триллион марта кўпроқ нур таратади.
WISE J224607.57-052635.0 галактикаси Ердан 12,5 миллиард ёруғлик йили масофада жойлашган. Олимларнинг тахминича, унинг ёруғлиги галактика марказида ҳаддан ташқари катта қора туйнук борлиги билан боғлиқ, у ўзига материяни тортади ва ундан аккреацион дискни шакллантиради.
Бу дискдаги модда миллион даражагача қизиб кетади ва кўринувчи, ультрабинафша ва рентген диапозонларида нур таратади. Туйнукни ўраб олган чанг ёруғликни ўтказмайди, бироқ у қизиб кетганидан инфрақизил диапозонда нур таратади. Олимларнинг қайд этишларича, шу сабабли ҳам улар WISE J224607.57-052635.0’ни аввалроқ кўра олишмаган.
Энг ёрқин галактика 2010 йили Wide-field Infrared Survey Explorer (WISE) инфрақизил телескопи ёрдамида аниқланган эди. У билан биргаликда яна 19та шундай фаол юлдузга айланиш жараёнлари кечаётган объектлар аниқланган.
Бу жиҳат уларни галактикаларнинг янги турига – экстремал даражада ёрқин инфрақизил галактикалар гуруҳига киритишга асос бўлди. Олимларнинг фикрича, ёрқин галактикаларнинг қарийб ярми инфрақизил диапозонда нур таратади.
Изоҳ (0)