Глобал корпорациялар ва хавфсизлик бўйича экспертлар фикрича, АҚШ президенти фойдаланувчилар маълумотларини олишда ҳуқуқ-тартибот органларига қаршилик кўрсатиши керак, деб ёзади «Mail.ru». Бу фикрни 140 дан ортиқ компаниялар, шунингдек ҳукуматнинг собиқ аъзолари ёқлаб чиқди ва Оқ уйга жўнатилган мактубга имзо қўйди.
Ушбу қарама-қаршиликнинг бир томони, жумладан Google ва Apple фойдаланувчилар ахборотларини ҳимоя қилиш мажбурияти тарафдори бўлиб чиқди. Улар маълумотларнинг шифрланиши ўринли ва зарур деб ҳисоблайди.
Бироқ ҳуқуқ-тартибот органлари, хусусан, ФҚБ раҳбари Жеймс Коми таъкидлашича, Apple iMessage каби лаҳзали хабар алмашиш дастурларида ахборотнинг шифрланиши жиноятчиларга фош бўлишдан қўрқмасдан туриб, бир-бири билан алоқада бўлиш имконини беради.
Компаниялар ҳукуматдан ва шахсан АҚШ президентидан мактубга жавоб кутмоқда. Бироқ Оқ уй вазиятга изоҳ берганича йўқ.
Изоҳ (0)