LG компанияси 55 дюймли OLED экранга эга ўта юпқа телевизорини намойиш этди, деб хабар беради The Korea Times.
Қурилма Жанубий Корея пойтахти Сеулда ўтказилган саноат кўргазмасида намойиш қилинди. Телевизорнинг оғирлиги тахминан 2 килограммни ташкил этади ва у деворга магнит қоплама ёрдамида маҳкамланади.
Ушбу прототип LG келажакда OLED-технологияси ривожи учун жиддий эътибор қаратиши ва шунга ўхшаш маҳсулотлар яратиши исботи сифатида кўрсатилди. Ҳозирча унинг қачон сотувга чиқарилиши номаълум.
LG’нинг ҳозирга қадар 55 дюймли OLED-телевизорлари орасидаги энг ингичкаси 4,3 миллиметрни ташкил этарди.
LG — OLED экранларини чиқаришда энг етакчи компаниялардан биридир ва унинг бу йўналишдаги асосий рақобатчиси Samsung ҳисобланади. LG дисплейларни ўз қурилмалари учун ҳам, учинчи компанияларга сотиш учун ҳам ишлаб чиқаради.
Изоҳ (0)