Бишкекдаги хиёбонга 3D-ўриндиқлар ўрнатилди

Қирғизистон пойтахти Бишкек шаҳрида 3D-суратлар чизилган ўриндиқ ва ахлат қутилари ўрнатилди, деб хабар қилади «Knews.kg».

Ёш Гвардия хиёбонидаги 6 та ўриндиқ ва 4 та ахлатдон дурадгор, рассом ва кўнгиллилар иштирокида қайта таъмирланди ва безатилди.

Ушбу лойиҳа шаҳар маданиятини оширишга қаратилган. Лойиҳа ташкилотчилари боғнинг янги дизайни келажакда ўриндиқларга зарар етказилишининг олдини олишига ишонмоқда.

Шаҳар аҳолиси ва ҳукуматни жамоат жойларини қайта тиклаш ҳамда уларни авайлашга чақириш учун лойиҳа иштирокчилари энди медиа маҳсулотлар чиқаришни режалаштирмоқда.