АҚШда Atlas V ракетаси учирилди, у Ер орбитасига Boeing X-37 махфий автоматик кемасини олиб чиқади. Бу ҳақда Atlas V ташувчисини учириш учун жавобгар бўлган United Launch Alliance — Boeing ва Lockheed Martin қўшма корхонаси сайтида хабар берилди.
Ракетани Канаверал бурнидаги космодромдан учириш учун иккита старт вақти очилди, булар 11:05 дан 11:15 гача ва 12:42 дан 12:52 гача (Тошкент вақти билан 20:05 дан 20:15 гача ва 21:42 дан 21:52 гача).
АҚШ ҳарбий ҳаво кучлари томонидан учирилаётган «мини-шаттл», унинг асосий мақсадлари ва парвоз муддати ҳақида маълумотлар жуда кам. Расман хабар берилишича, кемада америкалик ҳарбийлар NASA билан ҳамкорликда ионли ракета двигателини синайди.
Изоҳ (0)