КХДР етакчиси Ким Чен Иннинг акасини 20 май, чоршанба куни таниқли рок мусиқачиси Эрик Клэптоннинг Лондондаги концертида кўришди, дея хабар бермоқда ТАСС Япония ОАВларига таяниб.
Айни пайтда 34 ёшда бўлган, ҳаёти ҳақида кўп нарса маълум бўлмаган Ким Чен Чхолни ТBS телеканали оператори яширин равишда концерт зали холлида суратга олган. КХДР етакчисининг акасига бир қиз ҳамроҳлик қилган, унинг ўзи футболка, қора шим ва чарм курткада бўлган.
Нашр таъкидлашича, 2006 ва 2011 йилларда Ким Чен Чхолни Германия ва Сингапурда кўришган — у ҳар иккала сафар ҳам Клэптоннинг концертида бўлган.
Ким Чен Чхол КХДРнинг собиқ ва марҳум етакчиси Ким Чен Ирнинг ўртанча ўғлидир. Тахт унга эмас, укаси Ким Чен Инга берилганидан буён у ҳақда деярли ҳеч нарса аён этилмайди.
Изоҳ (0)