Ригадаги «Диссидентлар» кўргазмаси ташкилотчилари Давлат хавфсизлик қўмитасининг собиқ биноси ҳовлисига ўрнатилган «чормихга тортилган Путин» бадиий композициясини олиб ташлашди. Бу ҳақда Meduza.io хабар бермоқда.
Рига кўчмас мулк бошқармаси вакилларининг қайд этишларича, шоир Райниснинг диссидентлик ғояси ҳақидаги кўргазмасини ўтказишни келишиб олишган, бироқ унда «ушбу баҳсли инсталляцияни ўрнатиш» кўзда тутилмаган эди.
«Диссидентлар» кўргазмаси 30 апрель куни ДХҚнинг собиқ биносида очилган эди. 15 май куни Латвия нашрлари Рига марказидаги ушбу бино ҳовлисига мих тиқиш мумкин бўлган чормих қилинган Владимир Путин ҳайкали қўйилгани ҳақида хабар берди. Шаҳар мери Нил Ушаков ушбу ҳолатга изоҳ бераркан, бу ҳайкал шаҳарда спайс (маст қилувчи восита) топиш мумкинлигини тасдиқлашини айтган.
Кўргазманинг бу қисми юзасидан Россиянинг Латвиядаги элчихонаси алоҳида баёнот бериб, Европа Иттифоқи кенгашига раислик қилаётган мамлакат пойтахтида бундай иғвогарона «бадиий асарлар»нинг пайдо бўлишига чидаб бўлмаслигини маълум қилди. Латвия Ташқи ишлар вазирлиги эса фигурага санъацҳунослар баҳо бериши кераклигини таъкидлади.
Изоҳ (0)