Ўзбекистон Президенти Ислом Каримов қарори билан Тижорат банкларининг молиявий барқарорлигини янада ошириш ва уларнинг ресурс базасини ривожлантириш чора-тадбирлари тасдиқланди, дея хабар бермоқда «Review.uz». Ҳужжат Базель-III стандартларини жорий қилишни назарда тутади.
Қарор банк тизимининг молиявий барқарорлиги ва ишончлилигини янада ошириш, тижорат банкларининг ресурс базасини мустаҳкамлаш ва ривожлантириш учун қулай шарт-шароитлар яратиш, уларнинг инвестициявий фаоллигини рағбатлантириш, шунингдек умум қабул қилинган халқаро меъёр ва стандартларга мувофиқ банк фаолиятини ташкил этишнинг янада юқори даражага чиқишини таъминлаш мақсадида қабул қилинди.
Ўзбекистон Республикаси Марказий банкига банк назорати бўйича Базель қўмитасининг стандарт ва тавсияларини 2015—2019 йилларда босқичма-босқич жорий этиш юкланди.
Қарорда айтилишича, банк назорати бўйича Базель қўмитаси томонидан тижорат банкларига нисбатан қўйиладиган меъёрий талабларни янада такомиллаштиришни, жумладан капиталнинг етарлилиги ва ликвидлилик кўрсаткичи бўйича янги талабларни назарда тутган янги стандартлар ва тавсиялар ишлаб чиқилган.
Изоҳ (0)