Голландия УЕФАнинг fair-play рейтингида биринчи ўринни эгаллади. Бу ҳақда УЕФА расмий сайтида хабар берилган. ТАССнинг маълум қилишича, ушбу рейтинг 2014 йилнинг 1 майидан 2015 йил 30 апрелигача бўлган муддатда УЕФА байроғи остида клублар ва терма жамоалар ўртасида ўтказилган барча 1995 учрашув асосида тузиб чиқилган.
Рўйхатда иккинчи ва учинчи ўринларни мос равишда Англия ва Ирландия эгаллаган, Россия эса 22-поғонадан жой олган. Рейтингни тузишда вакиллари бир мавсум давомида УЕФА байроғи остидаги мусобақаларда камида 37та ўйин ўтказган миллий уюшмалар ҳисобга олинган.
УЕФАнинг 2015/2016 йилги мавсумга мўлжалланган клублар ўртасидаги мусобақалари регламентига кўра, fair-play рейтингида дастлабки учта ўринни банд этган мамлакатлар Европа Лигасида қўшимча битта ўринга эга бўлишади.
УЕФА мутахассислари fair-play баҳоларини қўйишда ўйинга ижобий муносабатда бўлиш, рақиб ва ҳакамларни ҳурмат қилиш, ишқибозлар ва жамоа вакилларининг хулқи, шунингдек, сариқ ва қизил карточкаларнинг сони каби кўрсаткич ва жиҳатларни эътиборга олишади.
Изоҳ (0)