ЕЧЛ ярим финали дастлабки ўйинида «Ювентус» «Реал»ни мағлубиятга учратди

Европа Чемпионлар лигаси ярим финалида дастлабки учрашув бўлиб ўтди. Туриннинг «Ювентус» клуби ўз майдонида «Реал»ни қабул қилди ва 2:1 ҳисобида ғалабага эришди, деб хабар бермоқда «Uff.uz».

Учрашувда дастлаб ҳисоб Алваро Мората томонидан очилди. Айни вақтда «Ювентус» шарафини ҳимоя қилаётган ҳужумчи 8-дақиқадаёқ ҳисобни очди. Бироқ мадридликлар тезда ҳисобни тенглаштирдилар. Криштиану Роналду 27-дақиқада гол киритиб, вазиятни ўнглади.

Карлос Тевес 57-дақиқада пенальтидан киритган гол учрашув тақдирини ҳал қилди. Шу тариқа «Ювентус» 2:1 ҳисобида ғалабага эришди.

ЕЧЛ, ярим финал. Ювентус – Реал 2:1 (1:1, 1:0)

Голлар:1:0 – 8 Мората, 1:1 – 27 Роналду, 2:1 – 57, пенальти Тевес.

«Ювентус» – Буффон, Лихцҳтайнер, Бонуччи, Келлини, Эвра, Маркизио, Пирло, Стураро (Бардзали, 64), Видал, Тевес (Перейра, 86), Мората (Лоренте, 78).

«Реал» Мадрид – Касильяс, Карвахал, Пепе, Варан, Марсело, Хамес, Рамос, Кроос, Иско (Эрнандес, 63), Бейл (Хесе, 86), Роналду.

Огоҳлантиришлар: Бонуччи (5), Тевес (46), Видал (56), Марсело (57), Карвахал (75), Хамес (85), Келлини (90).