YeChL yarim finali dastlabki o‘yinida “Yuventus” “Real”ni mag‘lubiyatga uchratdi

Yevropa Chempionlar ligasi yarim finalida dastlabki uchrashuv bo‘lib o‘tdi. Turinning “Yuventus” klubi o‘z maydonida “Real”ni qabul qildi va 2:1 hisobida g‘alabaga erishdi, deb xabar bermoqda “Uff.uz”.

Uchrashuvda dastlab hisob Alvaro Morata tomonidan ochildi. Ayni vaqtda “Yuventus” sharafini himoya qilayotgan hujumchi 8-daqiqadayoq hisobni ochdi. Biroq madridliklar tezda hisobni tenglashtirdilar. Krishtianu Ronaldu 27-daqiqada gol kiritib, vaziyatni o‘ngladi.

Karlos Teves 57-daqiqada penaltidan kiritgan gol uchrashuv taqdirini hal qildi. Shu tariqa “Yuventus” 2:1 hisobida g‘alabaga erishdi.

YeChL, yarim final. Yuventus – Real 2:1 (1:1, 1:0)

Gollar:1:0 – 8 Morata, 1:1 – 27 Ronaldu, 2:1 – 57, penalti Teves.

“Yuventus” – Buffon, Lixtshtayner, Bonuchchi, Kellini, Evra, Markizio, Pirlo, Sturaro (Bardzali, 64), Vidal, Teves (Pereyra, 86), Morata (Lorente, 78).

“Real” Madrid – Kasilyas, Karvaxal, Pepe, Varan, Marselo, Xames, Ramos, Kroos, Isko (Ernandes, 63), Beyl (Xese, 86), Ronaldu.

Ogohlantirishlar: Bonuchchi (5), Teves (46), Vidal (56), Marselo (57), Karvaxal (75), Xames (85), Kellini (90).