Африканинг энг бой одами Алишер Усмоновдан «Арсенал» акцияларини сотиб олмоқчи

Нигериялик миллиардер Алико Данготе Лондоннинг «Арсенал» клубини сотиб олмоқчи, деб хабар бермоқда Bloomberg. Умумий бойлиги 15,7 миллиард долларга баҳоланган Данготе Африканинг энг бой кишиси ҳисобланади.

Қайд этилишича, «Арсенал» мухлиси ҳисобланган Данготе 2010 йилда ҳам клубни сотиб олишга уриниб кўрган. Агар бу сафар унинг омади юришса, у Англия Премьер лигаси клубига эгалик қилувчи илк африкаликка айланади.

Ҳозирда «Арсенал» акцияларининг 67 фоизи Стан Кроэнкега, 30 фоизга яқини эса асли ўзбекистонлик Алишер Усмоновнинг Red & White Sec Ltd. фирмасига тегишли.