Nigeriyalik milliarder Aliko Dangote Londonning “Arsenal” klubini sotib olmoqchi, deb xabar bermoqda Bloomberg. Umumiy boyligi 15,7 milliard dollarga baholangan Dangote Afrikaning eng boy kishisi hisoblanadi.
Qayd etilishicha, “Arsenal” muxlisi hisoblangan Dangote 2010-yilda ham klubni sotib olishga urinib ko‘rgan. Agar bu safar uning omadi yurishsa, u Angliya Premyer ligasi klubiga egalik qiluvchi ilk afrikalikka aylanadi.
Hozirda “Arsenal” aksiyalarining 67 foizi Stan Kroenkega, 30 foizga yaqini esa asli o‘zbekistonlik Alisher Usmonovning Red & White Sec Ltd. firmasiga tegishli.
Izoh (0)