Тошкентда автомобилининг ёқилғиси тугаб қолган аёлга Malibu ҳайдовчиси беминнат ёрдам кўрсатди

Тошкент шаҳрида йўлнинг ўртасида автомобилининг ёқлиғиси тугаб қолгани ҳақида Facebook’даги «Водители Ташкента» гуруҳида хабар қолдирган аёлга гуруҳ аъзоларидан бир беминнат ёрдам кўрсатди. Бу ҳақда аёлнинг ўзи миннатдорчилик билдириб қолган хабарида маълум қилган.

Унинг сўзларига кўра, Malibu ҳайдовчиси ортиқча саволларсиз икки идишда бензин келтириб берган ва бунинг учун пул олишдан бош тортган. Бу ёқилғи қуйиш шохобчасигача етиб олишга ёрдам берган.

Хабарга ёрдам берган ҳайдовчининг Malibu’си фотосурати ҳам илова қилинган. Расм остига изоҳ қолдирган гуруҳ фойдаланувчилар уни мақтовлар остида қолдириб, бошқаларни ҳам ундан ўрнак олишга чақирган.