Тошкент шаҳрида ташкил этилган «Ҳордиқ олами-2015» сайёҳлик кўргазмаси доирасида «Ипак йўли таъми» миллий таомлар фестивали бўлиб ўтди. Бу ҳақда 12news.uz хабар бермоқда.
Фестиваль палов, манти, сомса, лағмон ва бошқа кўплаб ўзбек миллий таомларини тайёрлаш бўйича анъана ва ўзига хосликларни намойиш этиш мақсадида ташкил этилди.
Фестиваль доирасида Ўзбекистоннинг турли ҳудудларидаги энг яхши ресторанларнинг бош ошпазлари ва индивидуал ошпазлар тўй оши, самарқандча, тошкентча, фарғонача, андижонча, бухороча, чустча, қашқадарёча, сурхондарёча, туркча ўнлаб турдаги паловларни тайёрлашди.
Фестиваль якунлари бўйича барча иштирокчиларга, хусусан, Тошкентдаги April, Tarona, Grand Mir, Chay-Poy, Assalomu alaykum, Бухородаги «Лаби Ҳовуз», Марғилондаги «Уйғур лаззатли таомлари» ва бошқаларга сертификатлар топширилди.
Изоҳ (0)