Шимолий кон бошқармаси ходималари «Мисс Қизилқум-2015» танловида иштирок этишди. VX.uz хабарига кўра, бу номдаги танлов Навоий вилоятининг Учқудуқ шаҳрида бўлиб ўтган.
Танловда 45-55 ёш оралиғидаги аёллар иштирок этган. Иштирокчилар танловнинг тўрт босқичи давомида ўзлари ҳақида маълумот беришган, рақс маҳоратларини намойиш этишган, невараларни тарбиялаш услублари билан ўртоқлашиб, омма эътиборига оқшом либосларини тақдим этишган.
Ҳакамлар ҳайъати қарорига асосан 2-ЦҚ эпидемиология бўлими мудири, шифокор Ёрқиной Қорабекова «Қизилқум гўзали-2015» деб топилди.
Шунингдек, 1-ётоқхона УЙКШ мудири Гулчеҳра Рашидова, «Кончи» профилакторийси ошпази Зиёда Тошева, 3-ГМЗ лаборанти Гулшод Қўшматова, 3-ГМЗ назоратчиси Розия Шопўлатова, 3-болалар боғчаси тарбиячиси Малика Гармонова ва УЙКШ меҳмонхонаси маъмури Насиба Суюнова ҳам турли йўналишлар бўйича ғолиб деб топилди.
Танлов қатнашчилари диплом ва эсдалик совғалари билан тақдирланди.
Изоҳ (0)