YouTube’даги TechRax канали Samsung Galaxy S флагманларининг олтита авлодини дроп-тест ёрдамида синаб кўрди, дея хабар бермоқда «Mail.ru».
Қурилмаларнинг ҳар бири ён томонидан ва экран томонидан ерга ташлаб кўрилди. Ён томонидан қулаш смартфонларга кучли зарар келтирмади. Экрани билан ерга тушганида эса синалаётган қурилмаларнинг барчасида ойналар синди.
Бунда Galaxy S ва S2 энг кам зарар кўрди. Galaxy S3 умуман ёнмай қолди, энг янги флагман Samsung Galaxy S6’нинг экрани эса худди ўзидан олдинги «аждодлари»да бўлгани каби дарз кетди.
Нашр эслатишича, Galaxy S6 экрани энг янги Corning Gorilla Glass 4 ойнаси билан ҳимояланган. У тирналмайди, лекин ёрилиши мумкин.
Изоҳ (0)