Apple компанияси ҳар йили Ер кунини фаол нишонлаб келади, компания қароргоҳидаги бу йилги тадбир эса ҳар қачонгидан ҳам муваффақиятли ўтди. Hi-tech.mail.ru хабарига кўра, Apple ушбу тадбирга Apple Watch ақлли соатининг дастлабки соҳибларидан бирига айланган таниқли қўшиқчи Фарелл Уильямсни таклиф қилди.
https://youtu.be/8txCwPvdRyU
Қўшиқчининг машҳур «Happy» қўшиғи ижросидан илҳомланиб кетган Apple раҳбарлари – Тим Кук, Фил Шиллер ва Эдди Кью ҳам ўзларини тута олмай, ходимлари билан бирга рақсга тушиб кетишди. Гувоҳларнинг сўзларига кўра, компаниянинг бошқа мансабдорлари ҳам ҳамкасблари билан бирга хурсандчилик қилишган.
Apple компанияси атроф-муҳитни муҳофаза қилиш масалалари бўйича фаол компаниялардан бири ҳисобланади ҳамда Ер куни ва бошқа шунга ўхшаш саналарга бағишланган хайрия тадбирларини мунтазам равишда ўтказиб келади.
Фареллнинг жорий тадбирдаги иштироки, қайсидир маънода, кутилган воқеа бўлди, чунки хонанданинг компания билан яхши муносабатлари бор. Apple Watch’ни қўлга киритган бошқа таниқли эстрада юлдузлари бу кунги тадбирда кўриниш беришмади.
Apple раҳбари Тим Кук эса Фарелл Уильямснинг тадбирдаги иштироки учун Twitter-аккаунти орқали миннатдорчилик билдирди.
Изоҳ (0)