АҚШнинг Мэриленд штатидаги Балтимор шаҳрида қўлга олинган қора танли эркакнинг ўлимидан кейин келиб чиққан норозилик туфайли полиция ва маҳаллий аҳоли ўртасида яна тўқнашувлар бошланди. Шу сабабли Мэриленд губернатори Лари Хоган штат ҳудудида фавқулодда ҳолат жорий қилди, деб хабар бермоқда «Газета.ru».
Хоганнинг сўзларига кўра, АҚШ Миллий гвардияси жанговар шайлик ҳолатида турибди ва исталган вақтда полицияга ёрдам бериш учун чақирилиши мумкин.
Тартибсизликлар Балтимордаги савдо маркази яқинида бошланган. Хабарда айтилишича, бир гуруҳ ёшлар полициячиларга тош ва шиша идиш отишни бошлаган. Бир нечта машиналар ёқиб юборилган, дўконларни эса тунаб кетишган.
12 апрелда 4 нафар полициячи қора танли Фредди Грейни қўлга олганди. Полициячилар уни қўлга олганидан кейин ёрдам кучи етиб келгунча, қора танли кишини ётган ҳолда ушлаб турган. Полиция баёнотига кўра, қўлга олиш вақтида унга зиён етмаган.
Грей жиноят хавфи юқори бўлган туманда «жиноий ишларда бевосита қатнашган ёки алоқадор бўлган»ликда гумон қилиниб ҳибсга олинганди. У қўлга олинганидан сўнг умуртқасидан операция қилинди ва комага тушиб қолиб, 19 апрелда ҳаётдан кўз юмди.
Шундан сўнг Балтиморда юзага келган тартибсизликлар оқибатида 34 киши қўлга олинган. Янги тўқнашувдан кейин бир нечта полициячилар ҳам жабрлангани хабар қилинмоқда.
Изоҳ (0)