General Motors (GM) ва SAIC Motor Corp ўртасида ташкил этилган Хитойнинг Shanghai GM компанияси янги автомобилларни ишлаб чиқиш учун кейинги беш йил давомида 100 миллиард юань (16 миллиард доллар) сарфлашни режалаштиряпти. Бу ҳақда қўшма корхона раҳбари Ван Юнсин маълум қилди, дея хабар бермоқда «РИА Новости».
Автозавод ўзининг 40та модель қатори пайдо бўлмагунига қадар, ҳар йили 10та янги ёки яхшиланган моделлар учун маблағ йўналтиради.
Reuters’нинг қайд этишича, компания Хитой автомобиль бозорининг камида 10 фоизини эгаллашни мақсад қилган.
Shanghai GM бош директорининг маълум қилишича, компания 2020 йилга қадар экологик жиҳатдан хавфсиз автомобиллар ишлаб чиқариш, хусусан, 10та янги гибрид моделни тайёрлаш учун 26,5 миллиард юань миқдорида инвестиция киритади.
Ишланмалар давомида компания автомобилларининг ёнилғи сарфи 25-30 фоизга қисқариши кутилмоқда.
Изоҳ (0)