Хитой регулятори Mercedes русумли автомобиллари билан танилган Daimler компаниясига 350 миллион юань (тахминан 56,5 миллион доллар) миқдорида жарима солди. Бу ҳақда RBC.ru хабар бермоқда.
Хабар беришларича, автомобиль ишлаб чиқарувчи ширкат дилерларни ўзининг баъзи моделлари, шунингдек, автомобиль эҳтиёт қисмлари учун энг паст нархларни белгилашга мажбур қилгани учун жаримага тортилган.
Хитой маъмурлари автомобиль бозоридаги нарх сиёсати билан боғлиқ илк жарималарни 2014 йилда қўллашганди – ўшанда Volkswagen’нинг Хитойдаги заводи ва Fiat, Chrysler’нинг савдо бўлинмаларига умумий ҳисобда 46 миллион доллар жарима белгиланганди.
Хитой регуляторининг қайд этишича, монопол битим оқибатида Цзянсу вилоятида Mercedes’нинг S- ва E-тоифадаги автомобиллари учун энг паст нархлар белгиланган.
Ўтган йили Daimler автомобиль сотилганидан кейинги хизмат кўрсатиш тарифларини манипуляция қилишда айбдор деб топилган, бироқ жарима суммаси ошкор этилмаганди.
Изоҳ (0)