«Ўзавтосаноат» 2015 йилда 380 млн долларлик лойиҳаларни бошлайди

«Ўзавтосаноат» компанияси 2015 йилда 381,5 миллион долларлик лойиҳаларни бошлайди, дея хабар бермоқда «Газета.uz».

Ўзбекистон Президенти фармони билан тасдиқланган дастур маҳаллий автомобиль саноатини модернизация қилиш, техник ва технологик жиҳатдан янгилаш бўйича 15 та лойиҳани ўз ичига олади.

Лойиҳалар қийматининг 245,3 миллион доллари маҳаллий банклар кредитлари, 135,9 миллион доллари корхонанинг ўз маблағлари ҳисобидан қопланади.

Дастурга мувофиқ, GM Uzbekistan ҚК 2015—2016 йилларда Т250 платформаси базасидаги автомобиль моделини серияли ишлаб чиқаришни ташкил қилишга 104,2 миллион доллар инвестиция киритади. «Ўзавтосаноат» шунингдек ишлаб чиқаиршни янги модель учун комплект деталларни чиқаришга мослаб модернизация қилишга 53,8 миллион доллар инвестиция киритади.