Баъзи таҳлилчилар ҳисоб-китобларига кўра, Apple 2014 йилнинг тўртинчи чорагида энг йирик смартфон сотувчиси бўлган эди. Бироқ бир чоракдан сўнг Samsung сўзсиз етакчига айлана олди, деб ёзади «3dnews.ru».
TrendForce тадқиқот компанияси маълумотларига кўра, 2015 йилнинг биринчи уч ойида смартфонларнинг дунё бозори ҳажми 291,2 миллион донани ташкил этди, бу ўтган чоракдан 9,2 фоизга кам демакдир.
TrendForce статистикаси шуни кўрсатдики, Samsung 27,8 фоизлик улуш билан бозордаги етакчилик ўрнини мустаҳкамлаб олди. Янги Galaxy S6 ва Galaxy S6 Edge смартфонлари апрелда сотила бошлаган бўлишига қарамай, Жанубий Корея гиганти Apple билан ўртасидаги фарқни катталаштирди.
2015 йилнинг январь—мартида Apple 55 миллионта iPhone чиқарди, ушбу чоракда унинг бозордаги ҳиссаси 23,2 фоиздан 19,9 фоизгача тушиб кетди.
Изоҳ (0)