Ba’zi tahlilchilar hisob-kitoblariga ko‘ra, Apple 2014-yilning to‘rtinchi choragida eng yirik smartfon sotuvchisi bo‘lgan edi. Biroq bir chorakdan so‘ng Samsung so‘zsiz yetakchiga aylana oldi, deb yozadi “3dnews.ru”.
TrendForce tadqiqot kompaniyasi ma’lumotlariga ko‘ra, 2015-yilning birinchi uch oyida smartfonlarning dunyo bozori hajmi 291,2 million donani tashkil etdi, bu o‘tgan chorakdan 9,2 foizga kam demakdir.
TrendForce statistikasi shuni ko‘rsatdiki, Samsung 27,8 foizlik ulush bilan bozordagi yetakchilik o‘rnini mustahkamlab oldi. Yangi Galaxy S6 va Galaxy S6 Edge smartfonlari aprelda sotila boshlagan bo‘lishiga qaramay, Janubiy Koreya giganti Apple bilan o‘rtasidagi farqni kattalashtirdi.
2015-yilning yanvar—martida Apple 55 millionta iPhone chiqardi, ushbu chorakda uning bozordagi hissasi 23,2 foizdan 19,9 foizgacha tushib ketdi.
Izoh (0)