Sony компанияси 20 апрель, душанба куни Япония бозори учун мўлжалланган янги Sony Xperia Z4 смартфонини тақдим этди, дея хабар бермоқда «Mobinfo.uz». Янги қурилманинг халқаро версияси май ойида намойиш этилиши кутилмоқда, бироқ у японча версиядан деярли фарқ қилмайди.
Смартфон дизайни ўзидан аввалги моделларга ўхшаш бўлиб, хусусан Xperia Z3 каби металл рамка ва шиша аралаш корпусга эга. Қалинлиги 6,9 мм, оғирлиги 144 граммга тенг.
Телефон 5,2 дюймли ва 1920×1080 пикселли дисплей, саккиз ядроли Qualcomm Snapdragon 810 процессори, 3 Гб тезкор ва 32 Гб ички хотира (+microSD), 20,7 мегапикселли асосий ва 5,1 мегапикселли олд камера, 2930 мА/с сиғимига эга аккумулятор билан жиҳозланган.
Изоҳ (0)