Twitter 2013 йилги ҳар қандай фойдаланувчидан шахсий хабар олиш имкониятини қайта ишга туширди

20 апрель куни Twitter шахсий ёзишмалар бўйича ўзгаришлар бўлганини эълон қилди, деб ёзади TJournal.

Энди фойдаланувчилар ҳар қандай кишидан хабар қабул қилиб олиш, шунингдек уларга шахсий хабар ёзган кишиларга хабар жўнатиш функциясини ёқиши мумкин бўлди.

Бундан ташқари, профилларда Direct Message (DМ, тўғридан-тўғри хабар) юбориш учун алоҳида тугма пайдо бўлди.

Бундай имкониятни Twitter дастлаб 2013 йил октябрида жорий қилган, бироқ кейинроқ уни жимгина олиб ташлаган эди.