Бугун,

  • USD 11095.31
  • RUB 173.84
  • EUR 10772.44

16 апрель куни Ўзбекистон республикаси Олий ва ўрта махсус таълим вазирлигида АҚШнинг Ўзбекистондаги Фавқулодда ва мухтор элчиси Памела Спратлен билан учрашув бўлиб ўтди, дея хабар бермоқда вазирлик матбуот хизмати.

Фото: UzReport

Фото: UzReport

Музокаралар чоғида олий таълим тизимида ҳамкорлик алоқаларининг истиқболлари, шу жумладан таълим муассасалаларининг бевосита алоқаларини ривожлантириш масалалари муҳокама этилди. Шуни таъкидлаш жоизки, ҳозирда республикамизнинг бир қатор Олий таълим муассасалари АҚШнинг нуфузли университетлари билан турли соҳалар бўйича ҳамкорлик қилиб келади. Улар сафида Вашингтон штати университети, Питтсбург университети, Мичиган университети, Жон Хопкинс университети, Иллинойс ва Кентуки университетлари каби ўнлаб университетларни киритиш мумкин.

Ўзбекистон – Америка университетларининг ҳамкорлиги ўқув жараёнини такомиллаштириш, замонавий педагогик ва ахборот технологияларини жорий этиш, ҳамда фундаментал илмий тадқиқотлар каби қатор йўналишларини қамраб олади. Суҳбат чоғида Памела Спратлен, Ўзбекистон олий таълим тизими Марказий Осиё ҳудудидаги илғор тизимлардан бири эканлигини алоҳида таъкидлаб ўтди.

Шунингдек, АҚШ профессор ўқитувчилари ҳам Фулбрайт сингари дастурлар доирасида Ўзбекистондаги Олий таълим муассасаларида талабаларга инглиз тилидан сабоқ бериб келишади. Ўқитувчиларнинг тажриба алмашув тизимлари нафақат тилшунослик йўналиши балки математика, техник фанлар ва муҳандислик ихтисосликларини ҳам қамраб олади. Спратлен хоним АҚШ элчихонасининг кичик грантлар лойиҳаси ҳақида ҳам маълумот бериб ўтди. Бу дастур АҚШда малака оширган мутахассисларнинг чекка ҳудудларда инглиз тили сабоқларини беришини рағбатлантиришга хизмат қилади.

Ҳозирда Ўзбекистон ва Американиннг олий таълим йўналишидаги келгусида амалга ошириладиган ишлари мужассамлаштирилган ҳамкорлик режаси ишлаб чиқилган бўлиб, у уч йўналишда амалга оширилади.

Булар:

- инглиз тиллини ўрганиш ва ўқитиш бўйича ҳамкорлик;

- илм-фан ва технологияларни ривожлантириш;

- университетлараро ҳамкорлик.

Томонлар АҚШ ва Ўзбекистоннинг олий таълим йўналишидаги ҳамкорлиги инглиз тилшунослиги билан бир қаторда техник ва муҳандислик йўналишлари, шу жумладан Инновацион технологиялар, муқобил энергия манбаларидан фойдаланиш, геология ва тоғ-кон иши, тиббиёт каби қатор ёналишларда олиб борилишини алоҳида қайд этишди.

Изоҳ
Асосий янгиликлар
Дунё
Ҳиндистонда вояга етмаган қизларга уйланишда айбланиб, 2 мингдан ортиқ эркак ҳибсга олинди
Дунё
АҚШ ҳарбийлари мамлакат осмонида учаётган Хитой шарини уриб туширди. Пекин норозилик билдирди (видео)
Дунё
“Путин менга Зеленскийни ўлдирмасликка ваъда берган” — Исроил собиқ бош вазири Беннет Россия президенти билан суҳбати ҳақида гапириб берди