7 апрелдан 24 апрелга қадар Тошкентдаги «Истиқлол» санъат саройида Ўзбекистон ҳамда Қорақолпоғистон халқ артисти Озодбек Назарбековнинг «Ардоғимдасиз» деб номланган концерт дастури бўлиб ўтмоқда. Концерт дастуридан ўрин олган бир-биридан ёқимли тароналар ташриф буюрувчиларни сеҳрлаб қўймоқда, деб хабар беради «Popcorn.uz».
Озодбекнинг бу галги концерт дастуридан ўрин олган, барча тароналаридан ажралиб турувчи «Айтиб бераман» таронаси концерт залини кўз ёшларга тўлдирди.
Бундан бир неча ой илгари янгиликлар ва интернет тармоғи орқали тарқалган Суриядаги адашган ўқнинг нишони бўлган боланинг жони узилиши олдидан операция столида: «Ҳаммангизни Аллоҳимга айтиб бераман», – деган сўзлари бутун дунёни ларзага солган эди. Мана шу сўзлардан таъсирланган, халқнинг севимли санъаткори Озодбек Назарбеков «Айтиб бер» деб номланган қўшиқ куйлади.
https://youtu.be/oJzEHruIlIk
Хабарларга кўра, мазкур қўшиқ Озодбек Назарбековнинг концерти бошланишига икки кун қолганида тайёр бўлган.
Эслатиб ўтамиз, аввалроқ ижодкорнинг 100 фоиз жонли равишда куйлаётгани ҳақида хабар берилган эди.
Изоҳ (0)