Лаққа балиқ қорнидан Гитлер махфий хизматининг офицери қолдиқлари топилгани ҳақидаги хабар ёлғон бўлиб чиқди

20 апрель куни Россиянинг қатор ОАВлари Одер дарёсидан тутилган улкан лаққа балиқ ичидан инсон суяклари ва Иккинчи жаҳон уруши даврига тегишли металл белги топилгани ҳақида пародиялар сайти томонидан тарқатилган хабарни чоп этди, деб хабар бермоқда «Tjournal.ru».

Қолдиқлар гўёки Германия томонидан Польша босиб олинган даврда ҳалок бўлган СС махфий хизмати офицерига тегишли эканлиги тахмин қилинган. Ушбу янгилик «Звезда», «Ридус», «Комсомолская Правда» сингари сайтларда чоп этилган. «РИА Новости»дан эса тезда ўчириб ташланган.

Янгилик манбаси ҳазил ва ёлғон хабарларга ихтисослашган World News Daily Report бўлган. Аввалроқ айнан ушбу сайт Мерилин Монронинг қотили ҳақида хабар тарқатган эди.