Россия молиявий мониторинг федерал хизмати банклар маълум мамлакатларда яшовчи мижозларнинг барча операциялари тўғрисида хабар бериши кераклиги ҳақидаги маълумотни рад этди, деб ёзади ТАСС федерал хизмат матбуот марказига таяниб.
«Банклар маълум бир рўйхатдаги мамлакатлар резидентлари билан бўладиган операциялар ҳақида Россия молиявий мониторинг хизматига хабар бериши керак эмас. Биз бундай рўйхат мавжудлигини рад этамиз», — деди матбуот хизмати вакили.
Идорада аниқлик киритишларича, ташкилотнинг 2015 йил 1 апрелидаги ноодатий банк операцияларини аниқлаш ва фош қилиш мезонларини ишлаб чиқиш бўйича тавсиялар келтирилган хати ҳақиқатан бор, бироқ у банкларга эмас, нокредит молия ташкилотларига жорий этилади.
Эслатиб ўтамиз, аввалроқ Россия молиявий мониторинг федерал хизмати 41 та давлатга қарши банк санкцияларини киритгани, энди банклар Россияга нисбатан санкцияларни қабул қилган, терроризмни қўллаб-қувватлайдиган ва коррупцияга қарши курашмайдиган мамлакатларда яшовчи мижозларнинг барча операциялари ҳақида хабар бериши шартлиги маълум қилинган эди.
Изоҳ (0)