Россиялик ҳарбий экспертлар Шимолий Шотландийдаги НАТО машғулотларига етиб келишди. «Сегодня.ua»нинг хабар беришича, ушбу машғулотлардан мақсад – Кремль томонидан тажовуз таҳдиди ўсиб бораётган вақтда кучни кўрсатиб қўйишдан иборат.
«Мудофаа вазирлиги, Европада қуролланиш устидан назорат ўрнатиш шартномасига мувофиқ, Москвадан тўрт кунга келган ҳарбий экспертларни қабул қилишга мажбур бўлди», - дейилади The Telegraph хабарида.
Россия делегациясининг ташрифи душанба куни Typhoon қирувчи самолётлари жойлашган Лоссимути базасидан бошланган – айнан шу самолётлар аввалроқ Россиянинг стратегик бомбардимончиларини қўлга олиш учун ҳавога кўтарилган эди.
Россиялик экспертлар Шимолий Шотландияда ҳам бўлишади – бу ерда 14 мамлакатдан келган 55 ҳарбий кема ва 70дан ортиқ самолёт, 13 минг аскар, денгизчи ва учувчи Joint Warrior қўшма машғулотларида иштирок этади.
«Манбаларнинг маълум қилишича, Қрим аннексия қилиниб, Москва ва Альянс ўртасидаги муносабатлар совуқлашганидан бери, россиялик назоратчилар илк бор НАТО машғулотларида иштирок этишмоқда», - дейилади мақолада.
Россиянинг Украинага нисбатан тажовузи сабаб НАТО Россия билан барча соҳалардаги ҳамкорликни тўхтатган эди.
Аввал хабар берилганидек, Россиянинг Украина шарқидаги жанговар ҳаракатлардаги иштироки сабаб, Россияга қўшни мамлакатлар ўз ҳарбий харажатларини оширишга киришган. Joint Warrior машқлари эса минтақада Россия флоти фаоллиги ошганига жавобан ўтказилмоқда.
Изоҳ (0)