Песков Путиннинг журналлар рейтингида етакчилик қилиши сабабини тушунтириб берди

Россия президенти матбуот котиби Дмитрий Песков Россия раҳбари Владимир Путин журналлар, жумладан Times каби Ғарб нашрлари рейтингида етакчилик қилиши сабабини тушунтириб берди, деб ёзади «РИА Новости».

«Президент дунёдаги энг машҳур, таниқли ва ҳурматга сазовор сиёсатчиларидан бири эканлиги аниқ-равшан кўриниб турган факт. Қатор нашрлар ушбу етакчиликни қайд этади, бу ҳам очиқ-ойдин факт», — деди Песков.

Эслатиб ўтамиз, Россия президенти Владимир Путин АҚШнинг Times журнали томонидан ўқувчилари ўртасида ўтказилган сўровномада дунёнинг энг катта таъсирга эга одами деб топилди.

Путиннинг ушбу рейтингда етакчилик қилгани ҳақида аввал хабар берилган бўлса ҳам, якуний натижалар эндигина эълон қилинган. Унга кўра, Путин 6,95 фоиз овоз билан биринчи ўринни эгаллаган.

Шунингдек, кучли ўнликдан кореялик хонанда Ли Че Рин, қўшиқчилар Леди Гага, Рианна, Тэйлор Свифт, Далай лама, тинчлик бўйича Нобель мукофоти соҳибаси Малала Юсуфзай ва Рим папаси Франциск I ўрин олган.